غرضی  کا  مظاہرہ  کریں  گے  تو   پھِر  باہمی  خُوشیوں  کی  بُنیاد  کہاں  رہے  گی  ؟ 

خُداوند  میں  بیاہ  کرنا 

  ــ’’  خُداوند  میں  ‘‘  بیاہ  کرنے  سے  مُراد  صِرف  یہ  نہیں  کہ  شادی  کرنے  والے  مرد  اور  عورت  مسیحی  ہیں  بلکہ  یہ  کہ  خُدا  اُنکو  ایک  دُوسرے  کو  قریب  لاۓ  گا  ۔  جزباتیٔت  ،  جسمانی  خوُبصورُتی   اور  جنوُنی  عِشق  سب  ایک  اچھی  شادی  کے  لیۓ  بُری  وجوُہات  اور  مُحرکات  ہیں  ۔  جب  یہ

 سب  چیزیں  کِسی  شخص  کے  لِۓ  کِسی  دوسرے    کی  طرف  راغِب  ہونے  کی  بنیاد  بنتی  ہیں  تو  شادی  کے  بعد   اِختلافات   اور  مایوُسیوں  کا  باعث  بن  جاتی  ہیں ۔  جب  ہم  اپنے  جیوّن  ساتھی  کے  اِنتخاب  میں  خُدا  سے  راہنُمائی  مانگتے  ہیں  تو  اُسکی  اِلٰہی  حِکمت  دیکھ  لیتی  ہے  کہ  کون  ہمارے  لِۓ  نہ  صِرف  موجوُدہ  وقت   میں  بلکہ   مُستقبِل  میں  آنے  والے  سالوں   کے  لِۓ   بہترین  ساتھی  بن  سکتا  یا   بن  سکتی  ہے  ۔  خُدا  مُختلِف  پسند  و  نا پسند  اور  مُختلِف  مز۱ج  رکھنے  والے  جوڑوں  کو  مِلا  دیتا  ہے  جو  ایک  بہتر  خاندانی  اکائی  بن  سکتے  ہیں  ۔  ’’  پس  وُہ  دو  نہیں   بلکہ  ایک  جِسم  ہیں  ۔‘‘   (مرقس  کی  اِنجیل  ۱۰   باب  ۸   آئت )

شادی  زِندگی  بھر  کا  بندھن  ہے  نہ  کہ  محض  ایک  سماجی  معاہدہ  ۔  یسُوع ؔ  نے  یہ  واضح  حُکم  دِیا  ۔   ’’  پس  وُہ  دو  نہیں  بلکہ  ایک  جِسم  ہیں  ۔  اِس  لِۓ  جِسے  خُدا  نے  جوڑا  ہے  اُسے  آدمی  جُدا  نہ  کرے  ۔  ‘‘  (  متی  ۱۹   باب  ۶   آئت  )

ایک  خُدائی  اِنتظام

گھرانہ   اپنے  اندر  ایک  چھوٹا  سا  گروہ  یا  سماج  سمیٹے  ہُوۓ  ہوتا  ہے  ،  اور  ہر  سماجی  اِکائی  کی  طرح   اِس  میں  بھی  ضروُری  ہے  کہ  گھرانے  کے  ہر  فرد  کو  اُسکی  مخصوُص  ذِمیداری  سونپی  جاۓ  ۔    خُدا  نے  بائبل  مُقدس  میں  اِس    نظام  کا  ایک  خاکہ  دِیا  ہے  ۔  یہ  اِختیار  کا   ایک ڈھانچہ  اور  خاکہ  ہے  جِس  پر  اگر  عمل  کیا  جاۓ  تو  یہ گھرانے   میں  خُوشیاں  لانے  کا  باعث  بنے  گا  ۔  اِس  میں  سب  سے  بڑی  زمہ داری  شوہر  پر  آتی  ہے  ،  اُسکے بعد  بیوی  پر  او  ر اُسکے  بعد  بچوں  پر  ۔  یہ  خُد ا  کا  نطام  ہے  ۔  (  مذید  مُطالعہ  کے  لِۓ  دیکھیں   ،  پہلا  کرنتھیوں  ۱۱ باب  کی ۳   آئت  اور   اِفسیِوں  ۵   باب   ۲۲   سے  ۲۴   آئت  ) 

 جب  خُدا  کوئی   اصُول  یا  ظابطہ   مُقّرر  کرتا   ہے  تو  وُہ  مُقدس  بن  جاتا  ہے  ۔   اُس  اصوُل   کی  خِلاف ورزی  یقیناناً  رنج  و  افسوس  کا  باعث  بنتی  ہے  ۔  اِسکے  برعکس جو  اُسکے  اصوُلوں  پر  عمل  کرتے  ہیں  وُہ  اُنکو  خُوشی  ،  فضل  اور  دینداری  کی   برکتوں  سے  مالامال  کرتا  ہے  ۔  شادی  کے  موقع  پر  شوہر  اور  بیوی  دونوں  اپنی  اپنی  ذِمہ داری  اور  فرائض  کا  بیِڑا  اُٹھاتے  ہیں  ۔  دونوں  کی  اپنے  اپنے   شعُبوں   میں  اپنی  اپنی  مخصُوص  صلاحیِتوں  کی  ضرورت  ہوتی  ہے  اور  اِسی  طرح  سے  گھر  کا  نظم و  نسق  چلتا  ہے  ۔  لیکِن کسی  ایک  کو  راہنُمائی  کرنی  ہوتی  ہے  ،  اور  خُدا  نے  یہ  منصب  مرد  کو  سونپا  ہے  ۔   ’’   کیوُنکہ  شوہر  بیوی  کا سر  ہے  جیسے  کہ  مسیح  کلیسیا کا  سر  ہے   اور  وُہ  خُود  بدن  کا  بچانے  والا  ہے  ۔  ‘‘  (اِفسیوں  ۵   باب   ۲۳   آئت  )   ایسی  مُحّبت  دوُسرے  کو  خُود  سے  پہلے  رکھنے  کے  جزبہ  سے  ہی  مُمکِن  ہے  ۔  یہ  وُہ   احساس  ہے  جِسکی  بدولت   ایک  شوہر   اپنی  بیوی  کو  ’’ اپنے  بدن  کی  مانند  ‘‘   (اِفسیوں  ۵   باب  ۲۸   آئت  )  جان  کر   اُس کے ساتھ  پیار  سے  پیش  آتا  ہے  ۔  ایک  پیار  کرنے  والا  شوہر  اپنی  بیوی  کو  خُود  سے  کمتر  نہیں  سمجھتا  بلکہ   وُہ   اُس  پر  ہر  طرح  سے  بھروسہ  کر تا  ہے  اور  اُسکے  ساتھ  صلاح  و  مشورے 

کو  اہمیت  دیتا  ہے  ۔  اِس  طرح سے  اپنی  مُحّبت  میں  وُہ  اُسے  اپنا  سچّا  جیون  ساتھی  بنانے  کا  ثبُوت  دیتا  ہے  ۔ 

ــ اِسی  طرح  سے  ’’  اے  بیویو  !  تُم  بھی  اپنے  اپنے  شوہر وں کے  تابع  رہو  ۔ ‘‘   (  ا  پطرسؔ  ۳      ۱   )  جب  ایک  بیوی  گھر  میں  اپنے  شوہر  کی  قیادت  و  راہنُمائی  کو  قبُول  کرتی  ہے  ،  جیسے  شوہر  مسیح  کی  راہنُمائی  اور  قیادت  کو  تسلیم  کرتا  ہے  ،  تو  وُہ  خاندان  امن  و  سکوُن  اور  کا  گہوارہ  بن  جاتا  ہے  ۔  اِفسیوں  ۵      ۲۳    میں  لکھا  ہے  ،   ’’  بیویاں  بھی  ہر  بات  میں  اپنے  شوہرو ں  کے  طابع  رہیں  ۔  ‘‘  اِس  اصُول  سے  بغاوت  نے  آج  کے  خاندانوں  میں  بُہت  زیادہ  رنج  و  پریشانی  پیدا  کر  رکھی  ہے  ۔  اِس  اصُول  سے  روُگردانی  خاندانوں  میں  نہ  صِرف   لڑائی  جھگڑا  اور   تنازعات  کا  باعث  بنتی  ہے  بلکہ  شوہر  اور  بیوی  کے  دِلوں  میں  رُوحانی  کشمکش  اور خلفشار  بھی  پیدا  کرتی  ہے  ۔ 

بچّوں  کا  مقام 

اکژ  ہم  یہ  سمجھتے  ہیں  کہ  بچّے  معصُوم  اور  باِلکُل  سادہ  لوح  ہوتے  ہیں  ۔  تاہم  ،  ہر  اِنسان  فِطرتاً  گُنہگار  پیدا   ہُوا ہے  ۔  ایک  بچہ  بھی  جیسے  جیسے  بڑا  ہوتا  ہے  ،  اُسکی  خُود  غرضانہ  فِطرت  زیادہ  سے  زیادہ  نُمایاں  ہوتی  جاتی  ہے  ۔  وُہ  خُود  اپنے  لِۓ  اور  دُوسروں  لے  لِۓ  ناخُوشی  اور  پریشانی  کا  سبب  بنتا  جاۓ  گا  جب  تک   کہ  اُسکے  والدین   اُسکی  مُناسِب  نظم و  ضبط  کے  دائرے  میں  رہنے  کی    تربیت  نہیں  کریں  گے  ۔ 

بچوّں  کا  فرض  ہے  کہ  وُہ  اپنے  والدین   کے  فرمانبردار  رہیں  ۔  ’’  اے  فرزندو  !  خُداوند  میں  اپنے  ماں  باپ  کے  فرمابردار  رہو   ،  کیونکہ  یہ  واجب  ہے  ۔  (  اِفسیوں  ۶  باب  ۱   )  اِس  فرمابرداری  کا  کامِل  نمُونہ  ہمیں  یسُوعؔ  کی  بچپن  کی  زِندگی  میں  مِلتا  ہے  ۔  ’’  اور  وُہ  اُنکے  ساتھ  روانہ  ہو  کر  ناصرۃؔ  میں  آیا  اور  اُنکے  تابع  رہا  ۔  ‘‘  جب  ایک  گھرانے  میں  اطاعت  و  فرمابرداری  کا  اصُول  کارفرما  ہوگا  تو  والدین  اور  بچّے  خُوش و  خُرم  رہیں  گے  اور  خاندان  ایک  نہائت  ہی  خُوشگوار  ماحول  کا  آئنہ  دار  ہو  گا  ۔ 

جب  خُدا  کے  احکامات  کی  تعمیل  ہو گی  تو  والدین  بچّوں  کے  لِۓ  ،  بچّے  والدین  کے  لِۓ  اور   سارا   خاندان  خُدا  کے  لِۓ  اپنی  زِندگیاں  بسر  کرے  گا  ۔  ایسے  خاندان  ہمارے  سماج  اور  مُعاشرے  کے  لِۓ  برکت  کا  باعث  ہونگے   اور  ہماری  اقوام  کے  تہذیب  و  تمّدن کو   اعلیٰ  معیا ر  بخشیں  گے  ۔ 

آج  کے  دور  میں  بُہت  سے  نوجوان  منّشیات  ،   نئے  نویلے  انداز  کے  لباس  اور  عجیب  و  غریب  قِسم   کی    غیر صحتمندانہ   تفریحات   کے  شوق  اور  جنُون  پالے  ہوُے  ہیں  ۔  وُہ  تیزی  سے  بدلتے   ہُوے  مُعاشرے  کی  رفتار    کے  سحر  میں  پُوری  طرح  سے  گرِفتار  ہو  چُکے  ہیں  ،  ایک  ایسا  مُعاشرہ  جو  سب  اچھی  قدروں  اور  اِخلاقیات  کو   ٹھُکراتا  جا  رہا  ہے  ۔  ایک  وقت  تھا  جب  اِنہوں  نے  ہی  ہمارے   معاشروں  کو  اچھائی  اور  دیانتداری  کا  ایک  میعار  دِیا  تھا   ۔  کیا  محفُوظ  اور  خُوشخال  خاندانوں  کا  فُقدان  ہی  ہماری  نوجوان  نسل  کی  بےچینی  اور  بے  سکُونی  کا   سبب  ہے  ۔  آپ  اِس  صُورتِ حال  کا  کیا  حل  نِکال  سکتے  ہیں  ۔  کیا  آپ  نے  کبھی  سوچا  ہے  کہ  آپکے  گھر  انے  اور  خاندان  کی  تعمیر  کا  دارومدار  آپ  پر  اور  خُدا  کے  ساتھ  آپکی   وفاداری  پر  قائم  ہے  ۔ 

مسیح  ہی  بُنیاد  ہے  

اگر  ہم  ایک  مظبوُط  اور  خُوشخال  خاندان  تعمیر  کرنا  چاہتے  ہیں  تو  یسُوعؔ  مسیح  کو  ہی  اِسکی  بُنیاد  بننا  ہو گا  ۔  پِھر  چاہے  بارِش  برسے  یا  اِس  کے ساتھ

طُوفان  ٹکرائیں  ،  یہ  قائم  و   دائم  رہے  گا  ۔  (  متی ؔ  ۷      ۲۴ )   اِس   سنگدِل  اور  بےرحم  دُنیا  میں  وُہ  ہمیں  ہمارے  گھرانوں  کو  کامیا ب  اور  خُوشخال  بنانے کے  لِۓ  صحیح  سِمت   ،   قُوّت  اور  ہِمت  عطا  کرے  گا  ۔  یسُوعؔ  گھر  اور  خاندان  کو  پیار  کرنے  والا  تھا  ۔     ’’  دیکھ  مَیں  دروازہ  پر  کھڑا  کھٹکھٹاتا  ہُوں  ‘‘  ( مُکاشفہ  ۳    ۲۰  )   پہلے  وُہ  ہمارے  دِلوں  کے  دروازے  پر  اور  پھِر  ہمارے  گھروں  کے  دروازوں  پر  دستک  دیتا  ہے  ۔  کیا  ہم  اُسے  اندر  آنے  دیں  گے  ؟ 

ایک  خُوشخال  خاندان  کا  آغاز  ہمارے  دِل  سے  ہوتا  ہے  ۔  جب  تک  ہمارے  دِلوں  میں  حقیقی  سکُون  نہیں  ، ہمارے  گھروں  میں  بھی  سکوُن  نہیں  ہو  سکتا  ۔   ہم  اپنے  روزمرہ  کے  معمُولات  کے  چِڑِچڑاپن  ،  غُصہ  اور  بیزاری  پر  قابُو  پا  سکتے  ہیں  اگر  ہم  خُدا  پر  اِیمان  اور  بھروسہ  رکھنا  شُروع  کر  دیں  ۔   ’’  جِس  کا  دِل  قائم  ہے  تُو  اُسے  سلامت  رکھے  گا  کیُونکہ  اُس  کا  توّکل   تُجھ  پر  ہے  ۔  (  یسُعیاہ ؔ  ۲۶     ۳  ) 

ایک  نیک  اور  دیندار  خاندان  اکھٹے  مِل  کر  اپنے  دِلوں  کے  لِۓ  ،  اپنے  گھروں  کے  لِۓ  اور  اپنے  آس  پاس   رہنے  والوں  کی  ضروُرتوں  کے  لِۓ  دُعا  کرتا  ہے   ۔  دُعا  ایک  خاندان  کو  یکجا   رکھتی  ہے  ۔  ایک  مشہوُر  کہاوت  ہے  ،  ’’  وُہ  خاندان  جو  اِکھٹے  دُعا  کرتا  ہے  ،  وُہ   ہمیشہ  مُتحد  رہتا  ہے  ۔ ‘‘  

اپنی  زِندگی  اور  اپنے  گھرانے  کے  لِۓ  خُدا  کے  منصوُبے  کو  قبُول  کریں  ۔  اپنے  دِل  کا  دروازہ   یسُوع ؔ  کے  لِۓ  یسُوع ؔ  کھول  دیں  ۔   ’’  اگر  آج  تُم  اُس  کی  آواز   سُنو  ،  تو   اپنے  دِلوں  کو  سخت  نہ  کرو  ‘‘  (  عبرانیوں  ۳       ۷   ،  ۸   )  خُدا  آپکے  دِل کو  اور  آپکے  گھر  کو  برکت  دینے  کے  لِۓ  مُنتظر  ہے  ۔  اپنے  پوُرے  دِل  سے  اُسکی  طرف  متوجہ  ہوں  اور  اُسکے  ساتھ  وفادار  رہیں  ۔  ایک  دِن  وُہ  آپکے   لِۓ  اُس  آسمانی  گھر  کا   دروازہ   کھول  دے  گا   جہاں   دائمی  خُوشی  اور  کامِل  سکوُن  آپکا  اِستقبال  کرے   گا  ۔ 

ہم سے رابطہ کِجِیے

ٹریکٹس کا آرڈر دین

نجات  یافتہ  لوگوں  کے  لِۓ  جو  کہ  مسیح ؔ  کے   خوُن  سے  دھوۓ  گۓ  ہیں  ،  آسمان  ایک  خاص  مقام  ہے  ۔  (  مُکاشفہ  ۷   باب   ۱۳   اور   ۱۴   آیات  )  یہ  اُنکا  گھر  ہے  ۔  اِس  آسمانی  گھر  کی  خواہش  زبوُر  نویس  کی  آرزُو   جیسی  ہے  ۔  (  زبُور   ۶۳       ۱   )   ’’  خُشک  اور  پیاسی  زمین  میں  میری  جان  تیری  پیاسی  اور  میرا  جِسم  تیرا  مُشتاق  ہے  ۔ ‘‘   لیکِن  وُہ  جو  جسمانی  اور  دُنیاوی  سوچ  کے  مالک   ہیں  ،  اُنکے  لِۓ  آسمان  ایک  بُہت  ہی  دُور  دراز  کی  چیز ہے  ۔  جو  شخص   خُدا  کے  پاک  روُح  پاک  سے  پیدا  ہُوا  ہے   اُسکے  لِۓ   آسمان   بُہت  ہی  نزدیک  اور  ایک  حقیقت  ہے  ۔  وُہ  دُنیا  میں  ہی  اپنے   ابدی  آسمانی  گھر  جیسا  احساس  پا  لیتا  ہے  ۔

سچائی  ،  اِنکساری  ،  پاکیزگی   اور  مُحبّت  جیسی  خُوبیاں  جو  مسیحؔ  نے  عملی   نموُنے  کے  طور  پر  پیش  کیں  ،  خُدا  کے   فرزند  ہونے  کے  ناطے  سے  ہمارے  لِۓ  بڑی  بیش  قیمت  بن  جاتی  ہیں  ۔  ہمارا  دِل  اِن  مسیحی  فضائل   کی  کاملِیّت  اور  اور پاکیزگی  کے  لِۓ  تڑپتا  ہے  ۔  (  ۲   کرنتھیوں  ۵      ۱   ) 

آسمان  ۔  ایک  نُورانی  مقام  

ہماری  زمینی  زِندگی   میں  بُہت  سے  اُتار  چڑھاؤ  آتے  ہیں  ۔  ہم  بُہت  سی  ایسی  چیزوں  کا  سامنا  کرتے  ہیں  جو  ہماری  سمجھ  سے  باہر  ہوتی  ہیں  ۔  ہماری  خواہش  ہوتی  ہے  کہ  ہم  اپنے  مُستقبِل  میں  جھانک  سکیں  لیکِن  ہم  ایسا  کر  نہیں  پاتے  ۔   نتیجتاً   ہم  مایُوسیوں  میں  گھِر  جاتے  ہیں  ۔  یہ  سب   باتیں  تاریکی  سے  تاویل  کی  جا سکتی  ہیں   ۔

آسمان  صِرف  روشنی  کا  مسکن  ہے  ۔  یہ  وُہ  مقام  ہے  جہاں  خُدا  موجوُد  ہے  ۔   ’’  خُدا  نُور  ہے  اور  اُس  میں  ذرا بھی  تاریکی  نہیں  ۔  ‘‘   (  ۱   یوُحنا ؔ  ۱      ۵   )  اُسکی  روشنی  میں  کامِل  فہم  ہے  ۔  اُسی  میں  ہمارا  عِلم  تکمیل  پاتا  ہے ۔  اُس  میں  ہمارے  ماضی  کی  تمام  خطائیں  اور  گُناہ  مِٹ   جاتے  ہیں  ۔  اِس  روشنی  میں  باپ  اور  وُہ  سب  جو  اُس  میں  قیام  کرتے  ہیں   ،  کے  درمیان  مکمل  رفاقت  ہو  جاتی  ہے  ۔ 

آسمان  کو   ’’  نُور  کے  ساتھ  مُقدسوں  کی  میراث  ‘‘   قرار  دیا  گیا  ہے  ۔  (  کُلسیوں  ۱      ۱۲   )  کلامِ ِ  مُقدس

میں  روشنی  یا  نُور  کی  صفات  یا  اوصاف   میں  عِلم  ،  پاکیزگی  اور  مُسّرت  نُمایاں  طور  پر  بیان  کِۓ  گۓ  ہیں  ۔   اِس    آسمانی  روشنی  یا  نُور  میں  کبھی  کوئی  خلل  نہیں  آتا  بلکہ  یہ  ہمیشہ  جاری  و  ساری  رہتی  ہے  ۔    ’’  اور  وہاں  کبھی   رات  نہ  ہوگی  ۔‘‘   (  مُکاشفہ  ۲۱      ۲۵   ) 

 ٰآسمان  ۔  خوف  اور  گُناہ  سے  پاک  مقام   

’’  اور  اُس  میں  کوئی  ناپاک  چیز  یا  کوئی  شخص  جو  گھنونے  کام  کرتا  ہے  یا  جھُوٹی  باتیں  گھڑتا  ہے  ہر  گِز   داخِل  نہ  ہو  گا  ۔  (  مُکاشفہ   ۲۱       ۲۷   ) 

حوصلہ  شِکنیاں   ،   مایوُسیاں   ،  آزمائیش  اور  گُناہ  سب  زمینی  زِندگی  کا  حِصہ  بخرہ  ہیں  ۔  یہ  کبھی  بھی  آسمان  کے  خُوبصُورت  مقاموں  میں  داخِل  نہیں  ہو  پائیں  گے  ۔ 

مُکاشفہ  ۲۱      ۴   میں  ہم  پڑھتے  ہیں  ،  ’’  اور   وُہ  اُنکی  آنکھوں  کے  سب  آنسوُ  پونچھ  دے  گا  ۔  اور  اِسکے  بعد  نہ  موت  رہے  گی   اور  نہ  ماتم  رہے  گا   ۔  نہ  آہ  و  نالہ  نہ  درد  ۔  پہلی  چیزیں  جاتی  رہیں  ۔‘‘    ایک  مسیحی  کے  لِۓ  آسمان  ہمارے  آرام  کی  تکمیل  ہے  ،  اور  ہمارے  سفر  کا  اختتام  ۔  ایک  مسیحی  جانتا  ہے  کہ  جیسے  خُدا  نے   اُسکے  دُنیا  میں  آنسوُ  پونچھ  دِۓ  ہیں  اُسی  طرح   آسمان  کی   کامِل  بادشاہی  میں  اُسکے  سب  دُکھ  درد  مِٹ  جائیں  گے  ۔ 

بچاۓ  جانے  والوں  کی  حیاّتِ  جاوِدانی    

اِس  زمین  پر  اِنسانی   رِشتے  ہم   سب  کے  لِۓ  بڑی  اہمیت  رکھتے  ہیں  ۔  دُوسروں  کی  خُوشیاں  اور  غم  ہمارے  جذبات  کو   مُتاثر  کِۓ  بغیر  نہیں  رہتے  ۔    خاندنی  رِشتے   ہمارے  لِۓ  بڑے معنی  رکھتے  ہیں  اور  اپنوں  سے  جُدائی  بڑی  ہی  درد ناک  ثابت  ہوتی  ہے  ۔  لیکِن  یہ  سب  ہمارے  اِنسانی  وجوُد  کا  لازمی  حِصہ  ہیں  ۔ 

جب  یسوُع ؔ  عدالت  کے   لِۓ  دوبارہ   آۓ  گا  تو  سب  چشمِ  زدن  میں  بدل  جائیں  گے  ۔   مُردے  زِندہ  ہو  جائیں  گے  ۔  فانی  بدن  جو  بدی  اور   گُناہ  کی  بدولت  گلنے  سڑنے  سے  بچ  نہیں  سکتا  تب  لافانی  بن  جاۓ  گا ۔  ’’  اور  مُردے  غیر  فانی  حالت  میں  اُٹھیں  گے  اور  ہم  بدل  جائیں  گے    کیونکہ  ضروُر  ہے  کہ  یہ  فانی  جِسم  بقا  کا  جامہ  پہنے  اور  یہ  مرنے  والا  جِسم  حیاتِ  ابدی  کا جامہ  پہنے  ۔ ‘‘  (  ا  کرنتھیوں  ۱۵       ۵۲   ،  ۵۳    )   

اِس  نئی  حالت  میں  خاندانی  رِشتے  ہمارے  لِۓ  پہلے  جیسے  معنی  نہیں  رکھیں  گے  ۔  یسوُعؔ  نے  سِکھایا  کہ  آسمان  پر  اُزدواجی  رِشتے  نہیں  ہونگے  ۔  (  متی ؔ  ۲۰   باب   ۳۰    آئت  )  اِس  دُنیاوی   زِندگی  کے  جذبات  خُدا  کی   حضُوری  میں  پائی  جانے  والی  خُوشیوں  کے  سامنے   ماند   پڑ  جائیں  گے  ۔  نجات  پانے  والوں  اور  خُدا  کے  برّے  کے  درمیان  ایسا  کُچھ  نہیں  آۓ  گا  جو   اُنکے  رِشتے  کو  مُتاثر   کر  سکے  ۔   

مُقدسین  وُہ  وُہ  مناظر   دیکھیں  گے  جو  فانی  آنکھوں  نے  کبھی  نہ  دیکھے  ہوں  نہ  اُنکا  تصوّر  کیا  ہو   ۔  وُہ  ایسی  نئی  نئی  باتیں  سُنیں  گے  جو  فانی  سماعت  نے  پہلے  کبھی  نہ  سُنی  ہوں  ۔  اور  وُہ   ایسا  حیرت  انگیز  عِلم  حاصِل  کریں  گے  جِو  کبھی  کِسی  کے  دِل   یا  وہم  و  گُمان  میں   بھی  نہ  گُزرا  ہو  ۔  

یسوُعؔ  اور  اُسکے  لوگ  جلال  پائیں  گے    

   وُہ  دِن  دُور  نہیں    جب  خُداوند  یسوُعؔ  المسیح  دُنیا  پر  بسنے  والے  تمام  لوگوں  پر  ظاہِر  ہوں  گے ۔  ہر  بشر  اُس  کے   سامنے  اپنی  اپنی  عدالت  کے  لِۓ  کھڑا  ہو  گا  ۔  (  متی ؔ   ۲۵       ۳۱    تا   ۳۴    )  اُس  کے  سچّے  پیروکار  اگرچہ  کہ  اِس   دُنیاوی  زِندگی  میں   ا ُن  سے  نفرت  اور  حقارت  سے  پیش  آیا  گیا  ایک  دِن  آسمانی جلال  میں  اُٹھائیں  جائیں  گے  ۔  وہاں  وُہ  ہمیشہ   ہمیشہ  کے  لِۓ  خُدا  کی  حمد  و  ثنا  کر  سکیں  گے  ۔  فنا  لافانیت   سے  بدل   جاۓ  گی  ۔  ’’  اور  جب  یہ  فانی  جِسم  بقا  کا  جامہ  چُکے  گا  تو  یہ  مرنے  والا  جِسم  حیاتِ  ابدی  کا  جامہ  پہن  چُکے  گا  تو  وُہ  قول  پُورا  ہو  گا  جو  لِکھا  ہے  کہ  موت  فتح  کا  لُقمہ  ہو  گئی  ۔‘‘  (  ا  کرنتھیوں  ۱۵      ۵۴   )   ۲   کرنتھیِوں  ۵      ۱    بھی   دیکھیں  ۔ 

  اِس  زمینی  زِندگی  میں  مسیحی  یمانداروں  کو  بُہت  سی  آزمایشوں  ،  مُشکلات   اور  مصائب  کا  سامنا  کرنا  پڑتا  ہے  ۔  لیکن  جِن  ایماندروں  نے  فضل  کی  بدولت   نجات  دہندہ  پر  ایمان   اور  اِستقلال  کا  مظاہرہ  کیا  ہے  وُہ  آسمانی  بادشاہی  کے  وارِث  ہونگے  ۔  زمین  کے  ہر  خِطہ سے  اور  ہر  زبان  بولنے   والے  لوگ  جنہوں  نے  اِیمان  کو  قائم  رکھا  سب  وہاں  ہوں  گے  ۔  یہ  عظیم  اور  شمار  سے  باہر  جمِ  غفیر  جِسے  گناہوں  کی  مُعافی  اور  مسیح  کے  خوُن  سے  پاکیزگی  حاصِل  ہو  چُکی   ہو  گی  ،  آسمان  کی  بادشاہی  کا  وارِث  ہو   گا  ۔    (  مُکاشفہ  ۱۹      ۷    تا   ۹   )  

وُہ  سب  روُحیں  جو  اِس  زِندگی  میں  نجات  پا  چُکی  ہیں  آسمان  پر  جلال  پائیں  گی  ۔  یہ  کِس  قدر  خُوبصوُرت  بات  ہو گی  جب  خُدا  کی  کلیسیا  کی  شادی  خُدا  کے  برہّ  سے   ہو  گی  ۔  یہ  وُہ  جلالی  منظر  ہو  گا  جو  بیان  سے  باہر  ہے  ۔  (  مُکاشفہ   ۱۹      ۷   تا  ۹   )  

آسمان    اِنسانی  فہم  سے  بعید  

 ’’  اب  ہم  کو  آئینہ  میں  دُھندلا  سا  دِکھائی  دیتا  ہے  مگر  اُس  وقت   روُبروُ   دیکھیں  گے  ۔  اِس  وقت  میرا  عِلم  ناقص  ہے  مگر  اُس  وقت  ایسے 

پوُرے  طور  پر  پہچانوں  گا   جاؤں  جیسے  میں  پہچانا  گیا  ہوں  ۔  ‘‘   (  ۱   کرنتھیوں  ۱۳        ۱۲   ) 

آسمان  کا  جاہ  و جلال  نہ  کُلی  طور  پر  سمجھا  جا سکتا ہے  اور  نہ  ہی  بیان  کیا  جا سکتا  ہے  ۔  ہمارے  ذہین  صِرف  اُن  چیزوں  کو  سمجھنے  کی  صلاحیت  رکھتے  ہیں   جِن  کو  ہم  دیکھ  سکتے  ہیں  اور  محسوُس  کر  سکتے  ہیں  ۔  جبکہ  ہم  یہ  تو  جانتے  ہیں  کہ  آسمان  میں  ہم  خُدا  کی  حضوُری  میں  رُوحانی  وجوُد  رکھیں  گے  ،  خُدا  نے  ہم  پر  ہمارے  اُس  ابدی  گھر  کے  بارے  سب  کُچھ  ظاہر  نہیں  کیا  ۔ 

پہلے  مسیحی  شہید  ،  ستِفنس ؔ  کو  آسمان  کی  ایک  جھلک   دِکھائی  گئی  ۔   جب  اُسے  اُسکے  ایمان  کے  سبب  سے  سنگسار  کیا  جا رہا  تھا  ،   ’’  اُس  نے  روُح  القُدس  سے  معموُر  ہو  کر  آسمان  کی  طرف  غور  سے  نظر  کی  اور  خُدا  کا  جلال  اور  یسوُعؔ  کو  خُدا  کی  دہنی  طرف  کھڑا  دیکھا   ۔  ‘‘  (  اعمال  ۷       ۵۵   ) 

اگر چہ  آسمان  کے  بارے  بہت  کُچھ  وضاخت  سے  بیان  نہیں  کِیا  جا  سکتا  ،  ہم  یہ   ضروُر  جانتے  ہیں  کہ  ماضی  کے  مُختلف  ادوار  کے  ایمانداروں  کی  طرح  خُدا  کے  بناۓ  ہوُۓ  شہر  میں  ہم  بھی  ہمیشہ  ہمیشہ  کے  لِۓ  رہنا  چاہیں  گے  ۔  عبرانیوں  ۱۱   باب   کی  ۱۰   آئت  میں  ہم  پڑھتے  ہیں   کہ  ابرہام ؔ  ’’  اُس  پائیدار  شہر  کا  اُمیدوار  تھا  جِس  کا   معمار  اور  بنانے  والا  خُدا  ہے  ۔  ‘‘   عبرانیوںؔ   ۱۱   باب  ۱۳   تا   ۱۶    آیات  بھی  پڑھیۓ  ۔ 

کیا  ہم  بھی  وہاں  ہونگے  ؟ 

   اِس  زِندگی  کے  احتتام  پر  ہم  کہاں  جائیں  گے  ؟   کیا  ہم  آسمان  پر  جائیں  گے  ؟   خُدا  کا  روُح  ہمارے  دِلوں  پر  بڑی  نرمی  سے  دستک  دیتا  ہے  اور  ہمیں  یاد  دِلاتا  ہے  کہ  ہم  خُود  کو  اُس  ابدی  مُستقبِل  کے  لِۓ  تیار  کریں  ۔ 

ہمیں  یہ  بات  سمجھنے  کی  ضروُرت  ہے  کہ  ہمیں  خُدا  کی  ضروُرت  ہے  ۔  اِبتدا  ہی  سے  گُناہ  میں  پڑنے  کی  وجہ  سے  اِنسان  نے  خُدا  کی  خوُشنوُدی  کھو  دی  ۔  اپنے  گُناہوں  سے  توبہ  کرنے  اور  مسیح ؔ   کے  پاک  خوُن  کی بدولت  مُعافی  کے  ذریعے  ہم  خُدا  کے  ساتھ  یہ  رِشتہ  دوبارہ  بحال  کر  سکتے  ہیں  ۔  تب  ہی  خُدا  ہمیں  قبوُل  کرتا  اور  مُعاف  کرتا  ہے  ۔   یوُں  ہم  خُدا  کے  کلام  اور  اُسکے   پاک  روُح  کی  بدولت  خُدا  کے  فرزند  بنتے  ہیں  ۔  (     (  یوُحناؔ  ۳      ۵    ؛   ۱      ۱۲   )  جو  اِطمینان  اور  خوُشی  ہمیں  حاصِل  ہو  گی  وُہ  اُس  آسمانی  گھر  کی   خُوشیوں  کا  پیش  خیمہ   ثابت   ہو  گی   ۔ 

ہر   روُح   اور  ہر   بشر   اپنے  دِل  میں  اِس  بات  کا  مکمل  یقین  کر  سکتا  ہے  کہ   اُس  کے  لِے ٔ   آسمان  پر  ایک  گھر  تیار  کِیا  گیا  ہے  ۔  (  یوُحنا ؔ  ۱۴     ۲  تا  ۳    )        

ہم سے رابطہ کِجِیے

ٹریکٹس کا آرڈر دین

آئیے  ہم   بائبل  کے  کُچھ  کِرداروں  پر  نظر  کریں  جِن  میں  سے  کُچھ  نے  اچھے  اور  کُچھ  نے  بُرے  اِنتخاب  اور  فیصلے  کِۓ  ۔   مُوسیٰ ؔ  مردِ  خُدا  نے   ’’  گُناہ  کا  چند  روزہ  لُطف  اُٹھانے  کی  نِسبت  خُدا  کی  اُمت  کے  ساتھ  بد  سلوُکی  برداشت  کرنا  زیادہ  پسند  کِیا  ۔  ‘‘   (  عبرانیوں  ۱۱   باب  ۲۵   آئت  )

اُس  نے  اُس  اِنعام  پر  نظر  رکھی  جو  اِ س  زِندگی  میں   نہیں  بلکہ  آئندہ  کی  زِندگی  میں  حاصِل  ہونا  ہے  ۔  مسیِحی  اِیمانداروں  کی  صُحبت  یقیناً  دانائی  پر  مبنی  اِنتخاب  ہے  ۔  طُوفان  سے  پہلے    ’’  خُدا   کے  بیٹوں  نے  آدمی  کی  بیٹیِوں  کو  دیکھا  کہ  وُہ  خُوبصوُرت  ہیں  اور  جِن  کو  اُنہوں  نے  چُنا  اُن  سے  بیاہ  کر  لِیا  ۔ ‘‘  ( پیدائش  ۶      ۲  )    اُنہوں  نےاپنی  نفسانی  خواہشوں  پر  مبنی  اِنتخاب  کِیا  جو  بعد  میں  اُنکے  لِۓ  بربادی  کا  سبب  بنا  ۔

’’ سو   لُوط ؔ  نے  یردن ؔ  کی  ساری  ترائی  کو  اپنے  لِۓ  چُن  لیا  ۔  ۔  ۔  اور  سدوُم ؔ  کی  طرف  اپنا  ڈیرا  لگایا  ۔  ( پیدائش  ۱۳      ۱ا  ،  ۱۲  )   زمیِن  زرخیز  تھی  اور  لوُطؔ   معُاشی  طور  پر  بڑا  خُوشخال  ہو  گیا  ۔  لیکِن  جب  سدوُؔم  برباد  کِیا  گیا  تو  لوُطؔ  کا  سارا  مال  و  اسباب  بھی  غارت  ہو  گیا  ۔

بحیثیت ِ  ایک  نوجوان  ،  یوُسفؔ   نے  اِخلاقی  طور  پر  کامِل  اور  دیانتدار  رہنے  کا   ا ِنتخاب  کِیا  اور   مِصر ؔ  کی  سلطنت  میں  اُسے  اعلیٰ  تریِن  اعزازوں  سے  نوازا  گیا  ۔   (  پیدائش  ۴۱      ۴۱ )

خُدا  کے  خادم  یشوُعؔ  نے  بنی  اِسرائیل  کو  دو  ٹوک  الفاظ  میں  خبردار  کِیا  کہ  ،  ’’  آج  ہی  تُم  اُسے  جِسکی   پرستِش  کرو  گے  چُن  لو  (   یشوُعؔ   ۲۴      ۱۵   ،  ۱۶   )   اب  رہی  میری  اور   میرے  گھرانے  کی  بات   سو  ہم  تو  خُداوند  کی  پرستِش  کریں  گے  ۔  ‘‘  تب  لوگوں  نے  جواب  دِیا  ،   کہ  خُدا  نہ  کرے  کہ  ہم  خُداوند  کو  چھوڑ  کر  اور  معبوُدوں  کی  پرستِش  کریں  ۔ ‘‘   جب  تک  بنی  اِسرائیل   خُداوند  کے  ساتھ  وفادار  رہے  وُہ  ترقی  و  خو شخالی  کی  زِندگیاں  گُزارتے  رہے  ۔

ایلِیاہؔ  نبی  کے  وقت  میں  لوگ  وُہ  سارے  عظیم  کام جو  خُدا  نے  اُنکے  لِۓ  کِۓ  تھے  بھوُل  گۓ  اور  بُہت  سے  لوگ  بعلؔ   دیوتا   کی  پُوجا  کرنے

لگے  ۔  یہ  بات  خُداوند   کے  نزدیک  نہائت  ہی  ناپسندیدہ    اور  افسوسناک  تھی  ۔  اِس  اہم  صوُرتِحال  میں  خُداوند  نے  ایلِیاہ ؔ  کو   اِستعمال  کِیا  تاکہ  اُسکے  ذریعہ   وُہ  اپنی  قُوت  اور  قُدرت  کا  اِظہار  کر  سکے  ۔  کوہِ  کرمِلؔ  پر  اُس  نے  آسمان  سے  آگ  کے  لِۓ  پُکارا  اور  آسمان  سے  آگ  نازِل  ہوُئی  جِس  نے  اُسکی  قُربانی  کو  بھسم  کر  دِیا  ۔  اِس  طرح  سے  اُس  نے  ثابِت  کِیا  کہ  خُداوند  ہی  سچّا  خُدا  ہے  ۔  پھِر  اُس  نے  لوگوں  سے  پوُچھا  ،  ’’  تُم کب  تک  دو  خیالوں  میں  ڈانواں  ڈول  رہو  گے  ؟  اگر خُداوند  ہی  خُدا  ہے  تو  اُسکے  پیرو  ہو  جاؤ  اور  اگر  بعل ؔ  ہے   تو  اُسکی  پیروی  کرو  ۔  ‘‘  جب  لوگوں  نے  دیکھا  کہ  آسمان  سے   آگ  نازل   ہوئی  ہے  تو  وہ    ’’  مُنہ  کے  بل  گِرے  اور  کہنے  لگے  ،  خُداوند  ،  وُہی  خُدا ہے  !   خُداوند  ،  وُہی  خُدا ہے  !  پہلا  سلاطِین  ۱۸   باب  ۔

دانی ایلؔ  ،   وُہ  نوجوان   جِس نے  اپنے  دِل  میں   نیک  عہد  کِیا  کہ   وُہ  بادشاہ  کے  گوشتیِن اور  مُرّغن  کھانوں  سے  اور  اُسکی  مے َ  سے   خُود  کو    ناپاک  نہیں  کرے  گا  ۔  (  دانی ایل ؔ  ۱      ۸   )   نتِجتاً   ،  وُہ   اور  اُسکے  تین  دوست  جنہوں  نے  اِس  بات  میں   ا ُ س  کا  ساتھ   دِیا  ،  بادشاہ  اور  خُدا  کی  نظر  میں  مقبُول  ٹھہرے  ۔  اگر  اُنہوں  نے  یہ  فیصلہ  اور  یہ  اِنتخاب  نہ  کِیا  ہوتا  تو  دانی ایلؔ  کی  شیروں  کی  ماند  میں  پھینکے  جانے  اور  اُسکے  تین  دوستوں  کے  آگ  میں  ڈالے  جانے  کی  سبق  آموز  اِمثال  بائبل  میں  درج  نہ  کی  جاتیں  ۔

یسوُعؔ  نے  ایک  آدمی  کے  بارے   جِسکے  دو  بیٹے  تھے  تمثیل  بیان  کی   ۔  دونوں  میں سے  ایک  بٰٹے  نے  باپ  سے    وِراثت  کا   اپنا  حِصّہ  طلب  کیا   اور  دوُردراز  مُلک  (  گُناہ  کی   سر زمین  )  کو  سدھا ر  گیا  ۔  اُس  کا  فیصلہ  اور  اِنتخاب  درُست  نہ  تھا  ۔  جب  وُہ  اپنا  سارا  مال  و  اسباب  لُٹا  چُکا  تو  اُسے  احساس  ہُوا  کہ  اُس  سے  کِتنی  بڑی  غلطی  سر زد   ہوُئی  ہے  ۔  اُس  نے  اپنے  باپ  کے  گھر  واپس  جانے  کا   فیصلہ  کِیا  ۔  تصّور  کریں  کہ   باپ  اور  بیٹے  کے  مِلاپ  کی  وُہ  گھڑی  کِس  قدر  خُوبصورت  ہو گی  ۔  (  لوُقا  ۱۵    باب  ۱۱   سے  ۳۲   آیات  )

یسوُعؔ  کو  گرِفتار  کر  کے  پلاطُس ؔ  کے  سامنے  پیش  کِیا  گیا  ۔  یہوُدِیوں  نے  چِلاّ  چِلاّ  کر  کہا  ۔  ’’  اگر  تُو  اُسے  چھوڑ  دیتا  ہے  تو  قیصرؔ  کا  خیر  خواہ  نہیں  ۔  ‘‘   پیلاطُسؔ  نے  اپنے  سا منے  درپیش  صُورتِحال  پر  غور  کیا  ۔  اُس  نے  قیصرؔ   (   دُنیاوی  مصلحتیں  )   اور  پھِر  جلال  کا  خُداوند  جو  اُسکے  سامنے  کھڑا  تھا  کے  بارے  سوچا  ۔  آخِر  اُس  نے  اپنا   فیصلہ  اور  اِنتخاب  کِیا    اور  یسوُع ؔ  کو  مصلوُب  ہونے  کے  لِۓ  اُنکے  حوالے  کر  دِیا  ۔   (  یوُحناؔ   ۱۹    باب  )

دُنیا   اور  اِسکی  آسائشوں  کا  اِنتخاب  آخِر کار  بربادی  ہی  کا  باعث  بنے  گا  ۔  (  ۲   پطرس   ۳    با ب   ۱۰   سے  ۱۱    آیا ت)  دُنیا  اور  اِسکی  آسائشوں  کی  جُستجو  کی  بجاۓ    خُدا  کے  بچوّں  کا  ساتھ  دینا  دانائی  پر  مبنی  اِنتخاب  ہے  ۔  مسیح  کی  صُحبت  میں  وقت  سرف  کرنا  ایک  عاقِل  دوست  جو  زِندگی کے  ہر   فیصلے  میں   ہماری   راہنُمائی  میں   کرتا  ہے  ،   کے  ساتھ   رہنے  کے  مُترادف  ہے   ۔

عزیز   قارئین  اور  دوستو  ،  کیا  آپ  نے  مسیح  کی  پیروی  کرنے  کا   فیصلہ  کر  لِیا  ہے  ؟   کیا  آپ  نے  اُسے  اپنی  زِندگی  میں  سب  سے  زیادہ  عزیز  بنا  لیا  ہے  ؟   کیا  اُسکے  بتاۓ  ہوُۓ  زِندگی  کے  اصوُلوں  کو  آپ  نے  اپنا  لِیا  ہے  ؟  کیا  آپ  نے  اپنی  زِندگی  اُسکے  سپرد کر  دی  ہے   اور  اُسکے  سامنے  اپنے  گُناہوں  کا  اِقرار  کرنے  اور  اُن  سے  کِنارا کش  ہونے  کا  اِرادہ  کر  لِیا  ہے  ؟   کیا  آپکے  لِۓ  اُسکا  کلام   بیش  قیمتی    اور  ہر  کِسی  دوُسری  کِتاب  سے  زیادہ  پُرتاثیر  ہے  ؟  کیا  آپ  نے  اپنے  گھر  میں  یا  کمرے  میں   یا  کہیں  اور  کوئی  ایسی  جگہ  الگ  کر  رکھی   ہے  جہاں   آپ  اپنے  خُداوند  کے  سامنے  دُعا  یا  اپنی  زِندگی  پر  گہرے  غوروفِکر  کی  غرض  سے    اور  اُسکے  ساتھ  گُفتگوُ   کرنے  کے  لِۓ  جا  سکیں  ۔    اگر  آپ  نے  اپنی  زِندگی  کو  خُدا  کی  نذر  کر دِیا  ہے   اور  اُسے  اپنا  مالِک  بنا  لِیا  ہے  تو  آپ  ایک  نہائت  ہی  مُبارک  زِندگی  گُزار  رہے

ہیں  ۔   یہ  آسمانی  بادشاہی  کا  پیش منظر  ہے  اور   ہر  روز  صحیح  اور  راست  فیصلے  بلآخِر  ہمیں  ابدی  خوُشیوں  کی  سر زمِین  پر  لے  جائیں  گے  ۔  ضُدا آپکو  برکت  دے

ہم سے رابطہ کِجِیے

ٹریکٹس کا آرڈر دین